Lindita Toma ishte kandidatura e parë për primaret e PD në Kurbin, e cila u zyrtarizua në 8 nëntor.
Ndërsa këtë të shtunë, raportohet se pjesë e primareve do të jetë edhe deputetja e Qarkut të Lezhës, Elda Hoti.
Hoti ka dorëzuar formularin e kandidimit në selinë blu për primaret e PD, në bashkinë Kurbin.
Lindita Toma dhe Elda Hoti do të votohen nga anëtarësia demokrate dhe simpatizantët në 4 dhjetor, se kush do të kandidojë në 14 maj për bashkinë e Kurbinit.
Këtë të shtunë, 12 nëntor, PD mbylli aplikimet për regjistrimin e kandidaturave në primaret e 4 dhjetorit.
