Emigrantët shqiptarë që udhëtojnë në mënyrë të paligjshme në Britaninë e Madhe, veçanërisht me gomone përmes kanalit La Manshi, vijojnë të jenë në qendër të mediave britanike.
Protesta ka ardhur si pasojë e Sekretares së Brendshme Britanike, Suella Braverman, e cila në një deklaratë e cilësoi ardhjen e shqiptarëve në Britaninë e Madhe si ‘pushtim’, duke i etiketuar edhe si kriminelë.
Të indinjuar nga këto përcaktime, emigrantët shqiptarë kanë paralajmëruar sot një protestë në kryeqytetin e Mbretërisë së Bashkuar, në “Westminster Bridge”.
“Protestë kundër poshtërimit të shqiptarëve në Britani”- shkruhet në posterin e shpërndarë në rrjetet sociale.
Rreth 40 mijë emigrantë kanë hyrë në mënyrë të paligjshme në Angli, mes tyre 12 mijë shqiptarë. Shumica prej tyre sipas autoriteteve britanike janë meshkuj dhe në gjendje të mirë fizike.
Por ata nuk janë të mirëpritur në Britaninë e Madhe dhe kërkesat e tyre për azil cilësohen si të pajustifikueshme.
Braverman i dha një ndezje të fortë debatit kur tha se emigrantët po “pushtojnë” Mbretërinë e Bashkuar. Kryeministri Edi Rama tha se këto komente janë të tepërta dhe se shqiptarët nuk janë problemi.
