Emigrantët shqiptarë kanë dalë në protestë ditën e sotme në Londër.
Protesta u thirr pas deklaratave të sekretares së Brendshme, Suella Braverman, e cila i cilësoi emigrantët shqiptarë si “kriminelë.”
Me flamuj shqiptarë në krahë, muzikë popullore dhe pankarta në duar, ata dërgojnë mesazhin se “janë shqiptarë, punojnë e paguajnë taksa”.
Më herët Braverman është shprehur se ardhja e emigrantëve shqiptarë në brigjet britanike është “pushtim.” Kjo deklaratë solli menjëherë reagime të forta.
Emigrantët shqiptarë që jetojnë në Angli, kanë akuzuar qeverinë se po përdoren për të justifikuar politikën “e dështuar” të emigracionit në Britani si dhe kritikuan Ministrinë e Brendshme se ata po ndikonin në sigurinë e vendit.
