Gjykata e Posaçme ka shtyrë për të premten tjetër seancën e shqyrtimit të kërkesës së ish-ministrit të Mjedisit, Lefter Kokës për lirimin nga qelia me pretendimin se është në gjendje të përkeqësuar shëndetësore.
Në seancën e sotme Gjykata administroi akt-ekspertimin e mjekëve ligjorë mbi gjendjen shëndetësore të Kokës. Sipas këtij akti, Koka është në gjendje të rëndë shëndetësore dhe kërkon zbutjen e masës “arrest në burg” dhënë për llogari të hetimit të inceneratorit të Fierit.
Kujtojmë se dy javë më parë, Gjykata e Posaçme refuzoi kërkesën e Kokës për ndryshimin e masës “arrest në burg” të caktuar për inceneratorin e Elbasanit.
Dy ditë më parë ish-deputeti Alqi Bllako, i akuzuar për aferën e inceneratorëve, u rikthye në qeli me një vendim të Apelit të Posaçëm.