Emigrantët së shpejti mund të strehohen në anije lundrimi dhe konviktet e universiteteve pasi kostoja e vendosjes së tyre në hotele vazhdon të rritet. Fatura e hoteleve që prenontohen nga “Home Office” është 6.8 milionë paund në ditë – ose më shumë se 2 miliardë paund në vit – me 50,000 azilkërkues që kërkojnë një vend për të fjetur. Ky numër pritet të rritet ndërsa numri i kalimeve të Kanalit arrin lartësi të reja, me pothuajse 40,000 deri më tani këtë vit.
Por tani po shikohen mundësi të reja. Përveç anijeve të lundrimit dhe sallat e universiteteve, do të shqyrtohen edhe ish-bazat ushtarake. Fusha ajrore e Barton Ashes në Hampshire ishte ndër vendet e tjera të konsideruara nga Zyra e Brendshme. Po ashtu, edhe ish-konvikti në Universitetin Canterbury Christ Church në Kent. Masa vjen pasi kryeministri Rishi Sunak u zotua të gjejë ‘mijëra shtretër të rinj’ për emigrantët gjatë fushatës së tij si udhëheqës i konservatorëve.
Në fillim të këtij viti, qeveria skoceze rregulloi dy anije lundrimi për të strehuar deri në 2,450 refugjatë ukrainas në lumin Clyde. Ndërkohë që në Angli, por pritet një valë e re emigrantësh për shkak të motit të mirë. Moti i mirë do të thotë shtim i personave që do të kalojnë kanalin për të hyrë në Angli. Ndërsa reklamat në rrjetet sociale ende vazhdojnë. Ka ende video që promovojnë bileta £ 3,000 me destinacion në Dover.
Shqiptarët përbëjnë 12 nga 40 mijë emigrantë që kanë mbërritur në Britaninë e Madhe këtë vit. Dje, kryeministri tha se ai dhe Suella Braverman po punojnë ‘ditë e natë’ për t’i dhënë fund rritjes së papranueshme të kalimeve të emigrantëve në Kanal.
Mediat britanike shkruajnë çdo ditë dhjetra artikuj për shqiptarët që shkojnë në Mbretërinë e Bashkuar. Kjo sepse një debat i madh publik ka nisur nisur në Britaninë e Madhe dhe Shqipëri në lidhje me fluksin e emigrantëve që kanë hyrë në tokën britanike gjatë vitit 2022. Rreth 40 mijë emigrantë kanë hyrë në mënyrë të paligjshme në Angli, mes tyre 12 mijë shqiptarë. Shumica prej tyre sipas autoriteteve britanike janë meshkuj dhe në gjendje të mirë fizike. Por ata nuk janë të mirëpritur në Britaninë e Madhe dhe kërkesat e tyre për azil cilësohen si të pajustifikueshme. Sekretarja e Brendshme, Suella Braverman i dha një ndezje të fortë debatit kur tha se emigrantët po “pushtojnë” Mbretërinë e Bashkuar. Kryeministri Edi Rama tha se këto komente janë të tepërta dhe se shqiptarët nuk janë problemi. Shumica e shqiptarëve që largohen drejt Britanisë nisen nga Tirana ose Prishtina për të shkuar në Francë nga ku nisen me gomone nga Kanali i La Manshit dhe më pas zbarkojnë në Durkin. Trafiku sipas mediave britanike zhvillohet nga kontrabandistët kurdë dhe kalimi kushton në gati 12 mijë paund./Dailymail
