Shtyhet seanca gjyqësore e caktuar për këtë të enjte në Gjykatën e Apelit për statutin e PD, ankimim i bërë nga grupi i demokratëve të drejtuar nga Enkelejd Alibeaj.
Seanca e ardhshme gjyqësore është caktuar në datën 06.12.2022, ora 09:30.
Gjykata e Apelit Tiranë, informon sa më poshtë:
Sot me datë 10.11.2022 ora 09:30, ishte caktuar seanca gjyqësore me palë ne proces:
Kërkues: Partia Demokratike e Shqipërisë, përfaqësuar nga Sekretari i Përgjithshëm z.Gazment Bardhi,
Objekt: Pasqyrimin e ndryshimeve të Statutit të Partisë Demokratike të Shqipërisë dhe të organeve të reja të zgjedhura në Kuvendin Kombëtar të datës 17.07.2021.
Gjatë zhvillimit të procesit gjyqësor, rezultoi se përfaqësuesi ligjor i Partisë Demokratike të Shqipërisë, në datë 08.11.2022 ka depozituar në kryesekretarin e gjykatës, një kërkesë me objekt: “Shtyrje të seancës gjyqësore”, për arsye se, nga data 08.11.2022 deri në datë 12.11.2022, ndodhet jashtë vendit, për një udhëtim familjar shumë të rëndësishëm të planifikuar kohë më parë”, duke bashkangjitur aktet përkatëse për të mbështetur pretendimin e tij.
Gjithashtu, ju informojmë se, në datë 10.11.2022 nga ana e palës kërkuese/ankuese Partia Demokratike e Shqipërisë, është depozituar edhe një kërkesë tjetër për shtyrjen e seancës gjyqësore për të j’u dhënë mundësia e ndryshimit dhe zëvëndësimit të përfaqësuesit ligjor dhe njohjen e tij me dosjen, për një afat kohor 1 – mujor.
Në përfundim të gjykimit Gjykata vendosi të pranojë kërkesën e palës kërkuese/ankuese Partia Demokratike e Shqipërisë, dhe për t’i lënë kohë për përfaqësimin me një avokat tjetër, në mënyrë që ky fundit të njihet me dosjen, duke caktuar seancën e rradhës për në datë 06.12.2022 ora 09.30.
