Fakte të reja dalin në dritë nga afera e inceneratorit të Tiranës.
Deputetja e Partisë së Lirisë, Monika Kryemadhi tha se me “bekimin” e Edi Ramës ky incenerator deri në vitin 2047 do të marrë nga taksat e shqiptarëve 10 milionë dollarë vit për vit. Lidhur me inceneratorin e Tiranës, Kryemadhi tha se ai është “një nga veprat korruptive e kapur në flagrancë me procedurë dhe lëvizje financiare”.
Sipas Kryemadhit, SPAK ende nuk ka lëvizur dhe pse “kanë kaluar 617 ditë nga padia. Të pabëra asgjë dhe pse mbahet si sekret hetimor në komunikim që kam pasur me prokurorët e SPAK. Ne pguajmë 29 euro tonin për inceneratorin e Tiranës. Duke pritur me durim menduam se do lëvizin shpejt për inceneratorin e Tiranës”.
Gjithashtu Kryemadhi ka publikuar fakte të reja në lidhje me pagesat e marra deri më tani për Klodian Zoton dhe tre kompani në emër të një bariu në Greqi dhe dy pensionistëve. Sipas Kryemadhit, Klodian Zoto ka paguar rreth 2 mld lekë për 19 kompani dhe se vlera e grabitur shkon rreth 25 milionë dollarë.
“Këto para që hidhen në xhep të Klodian Zotos do ishin paga të pedagogëve, bonus për studentët që largohen nga Shqipëria. Inceneratori i Tiranës, Offshore ka paguar Klodian Zoton deri më sot me 25 milion dollarë të cilat Zoto këto para i ka paguar në 19 kompani të tjera që kanë kryer evazion fiskal.
Të bën përshtypje, tre kompani njëra është bariu në Greqi që ka përfituar nga Zoto rreth 5 milion Dollarë, pas denoncimit e Haxhire Gurakuqi e Thanas… pra dy pensionistët kanë marrë 1 milion dollarë. Në 25 milion dollarë që ka marrë Zoto, vlera totale e gjitha e grabitur, fryrje punimesh është 19 milion dollarë e sekuestruar e futur në xhepat e tyre. Në gjithë këtë histori një nga problemet më të mëdha është që ky incenerator është deri në 2047, qytetarët do i paguajnë nga 10 milion dollarë vit për vit”, tha Kryemadhi.
