Skandal në njësinë numër katër në kryeqytet. Banorët e dy pallateve janë njoftuar vetëm në orën 10 të darkës se duhet të shpërngulen pasi pallatet e tyre do të shemben të nesërmen.
Denoncimi bëhet në FB nga aktivistja Sidorela Vatnikaj, e cila duke iu referuar banorëve të tjerë shprehet se e gjitha bëhet për ndërtimin e një qëndre tregtare dhe se pallatet e tyre nuk kanë dalë të papabuneshëm nga inskeptimi që ështëbërë pas tërmetit.
E keqja qëndron tek manipulimi, shton, kjo për shkak se eksperti që ka bërë inspektimin ka ndërruar jetë. Njoftimin e ka bërë Inspektorati Kombëtar për Mbrojtjen e Territorit.
Reagimi
Në një postim në rrjetin social, aktivistja sqaron:
Banorë të njësisë numër 4 Tiranë, lajmërohen nga Inspektoriati Kombëtar për Mbrojtjen e Territorit, në orën 10 të darkës, se pallati i tyre dhe i komshiut ngjitur do prishet të nesërmen. Për rreth 10 orët e ardhshme, banorët duhet të gjejnë një vend për të futur kokën, ose në të kundërt mbeten pa strehë.
Pretendimet e banorëve janë se pas tërmetit është kryer inspektimi për dëmet e shkaktuara dhe në përfundim pallatet dalin të banueshme. Gjatë pandemise, inspektori ndërron jetë, dhe ( gjithmonë sipas pretendimit të banorëve), firma është falsifikuar dhe ata janë lajmëruar se të dy pallatet janë të pabanueshme. Sipas tyre, aty pritet të ndërtohet një qendër tregtare, e cila premton se do t’ua ndërtojë pallatin përsëri, nëse merren vesh për tokën.
Sido që të jetë situata, nxitimi i pakuptimtë, jashtë çdo dispozite ligjore të cubave të IKMT është i pakuptimtë dhe jashtë çdo logjike minimale njerëzore. E megjithatë, ka vetëm një arsye, e njëjta si në rastin e “5 Majit”: zhvendosje e banorëve ekzistues në një tjetër zonë, pa asnjë pretendim e zgjidhje, për të ndërtuar pallate/ kulla , me qëllim rritjen e vlerës së pronës, për të përfituar personalisht nga përqindja që ndajnë me ndërtuesin.
Thirrja ime është për secilin që mundet të jetë përkrah tyre nesër, në solidaritet përballë fadromave që na kërcënojnë të gjithëve!
