Ish-kryetarja e LSI-së, Monika Kryemadhi u shpreh këtë të Mërkurë nga foltorja e Kuvendit se Alqi Bllako u rikthye në qeli për të shpëtuar Veliajn.
“Prokuroria bën pazare se sa herë që Edi Ramës i shtrëngohet litari me çështjen e inceneratorëve thotë që Prokuroria bën pazare. Edhe ata të shkretët detyrohen të bëjbnë një viktimë. E kthyen Alqi Bllakon sepse duan të shpëtojnë Erion Veliajn”, u shpreh Kryemadhi.
Një pyetje i drejtoi ministres së Financave, duke ngritur dyshime për një tjetër aferë.
“Meqë paskeni referuar në prokurori me qindra kompani që kanë bërë evazion fiskal. Në 24 kompani që kam çuar në SPAK, që janë 189 mln dollarë evazion fiskal, a i keni referuar në prokurori 3 inceneratorët, Tiranën, Fierin dhe Elbasanin? Nëse jo, po ju si drejtori tatimesh, a i keni audituar ndonjëherë këto 3 kompani? Apo ju ka ardhur mesazhi në Whatsapp dhe ju kanë thënë t’i lini pezull auditimet”, tha Kryemadhi.
Gjatë fjalës së saj, deputetja e PL-së u shpreh kundër buxhetit të propozuar nga qeveria.
Ajo theksoi se buxheti parashikon 10 milionë dollarë pë inceneratorët, për të cilët tha se nuk ekzistojnë.
“Ajo që dua të ritheksoj, normal që Edi Rama do flasë dhe do thotë që do përmendi plakat, pleqtë sepse këto kompani që kanë bërë evasion fiskal janë kompanitë që ndërtuan 3 inceneratorët në Shqipëri. Sigurisht që Edi Rama nuk do që ta shprehi se këtu është grabitur paraja e qytetarit shqiptar. Nuk është evasion fiskal, por është mashtrim dhe vjedhje e qytetarëve shqiptarë nga xhepi i tyre. Edi Ramës i dhemb dhe ka problem me çështjen e inceneratorëve. Në buxhetin që do kaloni, i jepni inceneratorit të Tiranës 10 milionë dollarë për një gjë që nuk ekziston. 10 milionë dollarë mund të bëni pafundësisht për shkollat, pensionistët, por mund të bëni dhe uljen e çmimeve. Ndaj do ta vazhdojmë përsëri betejën për çmontimin e aferës së inceneratorëve. Hajduti innocent, Edi Rama si pronari i inceneratorëve do përgjigjen për këtë. Inceneratori i Tiranës është deri në 2047-ën, është një vepër penale që bëhet çdo ditë. Qytetarët e Tiranës paguajnë 29 euro për ton mbetjesh”, tha Kryemadhi.
