Didier Deshamp ka bërë sot publike listën me 25 lojtarë të grumbulluar për pjesëmarrjen në Botërorin 2022. Kampionët në fuqi kërkojnë të mbrojnë titullin edhe pse me mungesa të rëndësishme në përbërjen e tyre.
Megjithatë, lista ka emra të frikshëm dhe lojtarë ekspertë në çdo repart. Në portë mungon Menja i dëmtuar, por Loris është si zakonisht një garanci për “gjelat”.
Në mbrojtje kishte vend për Varane, edhe pse ky i fundit ka qenë në dyshim për shkak dëmtimi, ashtu si edhe për të dy vëllezërit Hernandez.
Në mesfushë spikat dyshja e Real Madrid, Çuameni-Kamavinga, teksa një susprizë mund të quhet kthimi i Veretu në përbërje për këtë aktivitet.
Sulmi është reparti më i frikshëm me emrat e Benzema, Koman, Dembele, Grizman, Mbape, Nkunku e padyshim edhe Zhiru të cilin Deshamp nuk e ka lënë jashtë duke parë formën që po kalon.
LISTA E FRANCËS
Portierë: Alfons Areola (Uest Hem), Hugo Loris (Totenhem), Stiv Mandanda (Ren)
Mbrojtës: Lukas Hernandez (Bajern Mynih), Teo Hernandez (Milan), Presnel Kimpembe (PSG), Ibrahima Konate (Liverpul), Zhyl Kunde (Barcelona), Benzhamin Pavard (Bajern Mynih), Uilliam Saliba (Arsenal), Dajot Upamekano (Bajern Mynih), Rafael Varane (Mançester Junajtid)
Mesfushorë: Eduardo Kamavinga (Real Madrid), Jusuf Fofana (Monako), Mateo Guenduzi (Olimpik Marsejë), Adrien Rabio (Juventus), Aurelien Çuameni (Real Madrid), Zhordan Veretut (Olimpik Marsejë)
Sulmues: Karim Benzema (Real Madrid), Kingslei Koman (Bajern Mynih), Ousman Dembele (Barcelona), Olivie Zhiru (Milan), Antuan Grizman (Atletiko Madrid), Kilian Mbape (PSG), Kristofer Nkunku (Lajpcig)
of 2️⃣5️⃣ Bleus selected for #FiersdetreBleus pic.twitter.com/eF1rEyjNFW
— French Team ⭐⭐ (@FrenchTeam) November 9, 2022
