Për Ylli Manjanin, Edi Rama ka frikë nga protesta dhe për këtë arsye, ai provon.
Duke folur në ‘A Show’, Manjani është shprehur se Edi Rama kërkon dhunë në protestë dhe për këtë arsye ai e nxit atë.
‘Unë mendoj se Edi Rama kërkon dhunë. E kërkon, e nxit. Po i fton drejt njerëzit drejt dhunës. Se për çfarë e do e kam një dyshim. Ende pa pasur një datë për protestën, ai hodhi tezën se opozita është e dhunshme. Nuk kishte folur askush deri në atë moment. Pastaj nisi të trashë gjuhën, këta janë të dhunshëm. Pastaj shtyu datën e gjyqit të PD-së, një gjyq idiot se nuk është gjyq, por të gjitha këto janë provokacione për të ju afruar sa më shumë protestës që të ketë grupe për të nxitur dhunë, që të ketë dhunë. Tani pse e bën këtë. Dy janë arsyet dhe loja është e njohur, e stërnjohur në fakt.
Së pari, nëse ndodh dhunë do thotë, a ju thashë që këta janë të dhunshëm. Dhe së dyti, nëse nuk ndodh asgjë do të dalë me tezën tjetër, nuk kanë takat të bëjnë asgjë. Kjo është loja politike e tipit grackë që përpiqet të bëjë Edi Rama, i cili e vlerëson protestën e ka frikë protestën, nuk e bën për ta nënvlerësuar. Unë nuk besoj se çfarë thotë Rama, kriminalizon njerëzit, qoftë dhe opozitën. Unë them që fjalori i tij politik është rënduar, është jashtë çdo etike tashmë, që lidhet me tensionin elektoral. Konsumi i tij dhe i njerëzve të tij në pushtet është i jashtëzakonshëm. Këta janë qelbur në karrige’, tha ish-ministri i Drejtësisë.
