Napoli vijon shkëputjen në kampionat dhe sot ka mundur 2-0 Empolin. Për të parë golin e napoltanëve u desh të vinte minuta e 69-të. Ekipi i Spalletit fitoi një penallti të cilën e shndërroi në gol Lozano.
Te mysafirët titullarë nga minuta e parë ishin Ismajli dhe Bajramit. Në të 74-tën, ekipi i Zannetit do mbetej me një lojtar më pak, pas daljes me të kuq të Lupertos.
Goli që do vendoste përfundimisht fatin e 3 pikëve do vinte në fund nga Zielinski. Kjo ishte fitorja e 10-të radhazi e Napolit në kampionat ndërsa kryeson me 38 pikë, 9 më shumë se ndjekësi më i afërt.
