Kreu i Partisë Demokratike Sali Berisha ka zhvilluar sot një bashkëbisedim me qytetarët, duke ju përgjigjur pyetjeve që vijnë në llogaritë e tij në rrjetet sociale.
Interesi ka qenë i madh për protestën e thirrur nga Partia Demokratike në 12 Nëntor dhe Berisha ka zbuluar edhe orën në të cilën do të nisë tubimi.
“Sot ndodhemi në krizë të gjithanshme. Ndodhemi në një proces të ngjashëm me atë të 91, ku shqiptarët e pritën lirinë me eksode të masave biblike. Por ndodhemi në një proces ku çdo njëri prej nesh të marrë përgjegjësitë e tij për një kthesë të rëndësishme. PD është e përqendruar në këtë kthesë të madhe, zgjodha të bisedoj me ju për axhendën tonë. Që konsiston në protestën e fuqishme të orës 16:00 të datës 12 nëntor”, tha Berisha.
