Kreu i Partisë Demokratike, Sali Berisha ka vijuar me akuzat ndaj kryeministrit Edi Rama në lidhje me udhëtimet e tij me charter luksoz.
Gjatë një takimi me banorët e Kombinatit, Astirit dhe Unazës, Berisha tha se Rama shpenzon 22 milionë euro për udhëtime, ndërsa në spitale mungojnë ilaçe për t’u shpëtuar jetën fëmijëve.
“Çfarë prindi është ai që mbyll kopshtin e 40 vogëlushëve. Duke marrë urdhër nga një vend tjetër. çfarë prindi është ai që shpenzon 22 mln euro kur fëmijëve në spitalet tona u mungojnë ilaçe për t’u shpëtuar jetën. A mund të quhet njeri ku se për të qenë prind nuk mjafton të kesh fëmijë, por duhet të kesh ndjenja. A mund të quhet ky njeri me ndjenja kur ka 4 vite, dhe në fshatra të Bubqit, gra shtatzëna, burra e gra të moshuar jetojnë në çadra dhe vetë fluturon me avion e dhomë gjumi. Taksi me dhomë gjumi. Çfarë është ky njeri, vetëm se hajdut”, tha Berisha.
