Mësuesi Alban Fetolli, i gjuhës angleze në shkollën 9-vjeçare “Dritëro Agolli” në Bilisht, pas dhunimit që i ka bërë nxënësve, është pezulluar.
Komisioni i disiplinës dhe etikës së shkollës nisi hetimin pasi prindërit e disa nxënësve të klasës së tetë janë ankuar pranë drejtorisë së shkollës për dhunën e ushtruar ndaj fëmijëve nga mësuesi.
Njëri prej fëmijëve të dhunuar, pohoi për mediat se disa ditë më parë gjatë orës së mësimit, mësuesi i ka goditur me bidon me ujë. Sipas tij, janë dhunuar 4 nxënës mes tyre dhe një vajzë.
Pas denoncimit, drejtoria e shkollës vendosi pezullimin e mësuesit Alban Fetolli.
Pas komunikimit me Drejtoreshën e Drejtorisë Rajonale Arsimore në Qarkun e Korçës Vjola Rota, tha se është në mbështetje të çdo nxënësi dhe se rasti po shqyrtohet në detaj, ndërkohë që ka urdhëruar dhe pezullimin e Fetollit.
