Kryetari i Partisë së Lirisë, Ilir Meta, në një dalje për mediat, shprehet se shqiptarët po rrezikojnë jetën e tyre për të krijuar një jetë të re në Europë ose Britani.
Meta ka sulmuar ashpër kryeministrin Rama se vetë udhëton me chartera luksozë, ndërsa shqiptarët me gomone falë jetës së vështirë dhe pamundësive ekonomike në Shqipëri.
“Për shkak të mos ekzistencës së shtetit, të krijuar nga papërgjegjshmëria ekstreme e kryetarit që qeveris në charterin super luksoz ndërkohë që shqiptarët e ndershëm të pambrojtur janë të përjashtuar nga çdo mbështetje ekonomike marrin gomone dhe rrezikojnë jetën për të ikur në Europe dhe Britani. Është e papranueshme që vendi ynë të lërë pas vendet që janë në luftë për një kohë të gjatë, si Siria, Afganistani, Moldavia apo Afganistani”, tha Meta.
