Një 27 vjeçar është arrestuar sot nga policia e Korçës, pasi u kap duke transportuar tre emigrantë të paligjshëm me makinë, kundrejt fitimit.
Me finalizimin e operacionit policor të koduar “Perimetri 198” u bë kapja dhe arrestimi në flagrancë i shtetasit A. K., 27 vjeç, banues në Tiranë.
“Gjatë kontrollit të ushtruar në automjet, u gjetën 3 emigrantë, të cilët 27-vjeçari do t’i transportonte në mënyrë të kundërligjshme, drejt vendeve të BE-së, kundrejt fitimit,” njoftoi policia.
Materialet procedurale i kaluan Prokurorisë pranë Gjykatës së Shkallës së Parë Korçë, për veprën penale “Ndihma për kalim të paligjshëm të kufijve”, shtuan të njëjtat burime.
