Enti Rregullator i Energjisë ka njoftuar ditën e sotme, përmes një deklarate për mediat se në muajin nëntor dhe dhjetor, do të aplikohet çmimi 44 lekë për kilovat mbi fashën 800 Kw.
Pas kësaj, ka ardhur edhe reagimi i deputetit Edi Paloka ku shprehet se ne e prodhojmë vetë energjinë dhe e paguajmë më shtrenjtë pasi qeveria vjedh. Ai shton se qytetarët shqiptarë paguajnë luksin e kryeministrit Edi Rama, duke iu referuar këtu udhëtimeve me charter të kreut të qeverisë.
Reagimi i Palokes:
“Shqiperia sot prodhon vetem nga hidrocentralet, gjithe energjine e nevojshme per vete. Strategjia e Berishes per ndertimin e hidrocentraleve te vegjel dhe kthimin e Shqiperise ne nje eksportuese te energjise, ka sjelle deri tani kete rezultat: ne e prodhojme vete gjithe energjine per te cilen kemi nevoje.
Po atehere pse duhet te paguajme edhe me shtrenjte se te tjeret ?! Pse duhet te paguajme me shtrenjte se ata qe e kane te lidhur burimin e energjise me gazin rus ?
Pse duhet te paguajme me shtrenjte se vete ukrainasit ?!
Rama me gojen e tij eshte mburrur pak jave me pare se Shqiperia nuk varet nga gazi rus dhe kjo eshte nga pak te vertetat qe ai thote.
Po pse atehere duhet te paguajme me shtrenjte?
Pergjigja eshte e thjeshte dhe e qarte: paguajme sepse keta duhet te vjedhin, paguajme per luksin e Rames dhe qelbesirave si ai!”
