Detaje të reja kanë dalë në dritë nga ngjarja e mbrëmshme në Shkodër, ku u qëllua me armë zjarri drejt makinës së dy vëllezërve (Ardjan dhe David Kiri).
Ngjarja ndodhi në lagjen “Skënderberg” Shkodër, ndërsa mësohet se, David Kiri është arrestuar nga policia, ndërsa Kristian Fermosi dhe Ardjan Kiri janë shpallur në kërkim.
Si ndodhi ngjarja?
Fillimisht shtetasit Kristian Fermosi dhe Ardjan Kiri kane debatuar dhe më pas janë konfliktuar me njërin tjetrin.
Gjatë debatit ka ardhur me një automjet vëllai i Ardjan Kirit, shtetasi David Kiri i cili ka goditur me makinë shtetasin Kristian Fermosi.
Ky i fundit ka nxjerrë armën dhe ka qëlluar në drejtim të mjetit por dy vëllezërit kanë arritur t’i shpëtojnë plumbave.
Policia pas kësaj ngjarje ka arrestuar shtetasin David Kiri ndërsa është duke punuar për gjetjen dhe kapjen e vëllait te tij Ardjan Kiri dhe personit që u konfliktua me të Kristian Fermosi.
Ndërsa arsyet e konfliktit mbeten ende të paqarta.
