Përvojë e hidhur për ish-mesfushorin e Barcelonës, Milanit dhe Bayernit të Mynihut, Mark van Bommel. Trajneri aktual i Antwerpit në Belgjikë i ka shpëtuar një tentative grabitjeje, brenda një parkimi nëntokësor, pranë banesës së tij.
Një person i armatosur i ka zënë pritë sapo hyri në garazh me makinën e tij dhe e kërcënoi të dilte nga makina. Van Bommel u zhvendos menjëherë nga pas dhe pasi përplasi një automjet të parkuar mundi të largohej me shpejtësi, pa pësuar dëmtime fizike.
Alarmi i shkaktuar nga përplasja e automjeteve bëri që grabitësi të arratisej. Autoritet kanë nisur hetimet për të zbuluar identitetin e personit që tentoi të grabiste Van Bommelin.
