Në një deklaratë për mediat, Taulant Balla ka reaguar ndaj kërkesës së opozitës për shkarkimin e Presidentit të Republikës, Bajram Begaj, duke e cilësuar të pabazuar dhe pa asnjë shkelje kushtetuese.
Balla zgjodhi të minimizojë çështjen, duke e cilësuar si një përpjekje të opozitës për të krijuar zhurmë.
“Nuk ka shkelje, nuk do të shkarkohet, madje nuk do të ngrihet asnjë procedurë,” deklaroi Balla.
Në vend që të kërkojë verifikim të fakteve apo të mbështesë një hetim të pavarur nga SPAK, Balla zgjodhi të mbrojë Presidentin me bindje personale, duke thënë: “Në vlerësimin tim, Presidenti nuk ka kryer asnjë shkelje.”
Siç e theksoi edhe vetë Balla, “shkeljen e Kushtetutës e verifikon vetëm Gjykata Kushtetuese”, një pohim që bie në kontrast me vendosmërinë e tij për të mbyllur debatin pa hetim.
