Policia gjermane ka arrestuar 5 shqiptarë, anëtarë të një bande droge. Ata akuzohen se kanë kontrabanduar në Gjermani 136 kilogramë marijuanë, vlera e së cilës në treg shkon rreth një milionë euro.
Sipas “Berliner Zeitung”, shqiptarët të moshës 50, 40, 38, 27 dhe 22 vjeç kanë dashur të ngarkojnë tufa me lule me bimë kanabis pranë një magazine në Velten, në veri të Berlinit dhe t’i përgatisin për rishitje.
Hetuesit nga dogana dhe policia kishin vëzhguar prej kohësh bandën dhe përgjonin telefonat e tyre. Në momentin kur një makinë tip Mercedes i drejtuar nga 50-vjeçari u ngjit në pronë, katër burrat e tjerë që prisnin aty filluan të shkarkojnë drogën nga rimorkio në një VW Caddy, por hetuesit ndërhynë dhe konfiskuan 32,990 euro në VW, që besohet se kanë ardhur nga shitja e drogave të tjera.
Mediat gjermane raportojnë se policia është në kërkim të anëtarëve të tjerë të bandës ndërkombëtare.
Një zëdhënës i zyrës së hetimit doganor Berlin-Brandenburg konfirmoi për Berliner Zeitung të martën se operacioni ishte në vazhdim dhe nuk pranoi të zbulonte më shumë detaje.
