Analisti Lutfi Dervishi komentoi vdekjen e të riut Lear Kurti në duart e policisë pak ditë më parë.
Gjatë intervistës në Syri Tv, Lutfi Dervishi deklaroi se mbetet shqetësuese reagimi mbi ngjarjen nga policia dhe qeveria. Sipas tij, kemi jo vetëm gënjeshtra por edhe një tentativë për të inskenuar ngjarjen nga autoritetet.
“Ngjarje e përsëritur, si me Klodian Rashën. Përpjekje jo vetëm për të gënjyer por edhe për të inskenuar. Ajo që të shqetëson është se gënjeshtra po kthehet si një certifikatë për të bërë karrierë. Nuk e di çfarë duhet të ndodhi më që të jepet një dorëheqje. Gënjeshtër pas gënjeshtre. E vetmja e vërtetë në komunikatën e policisë është data e ngjarjes.”-tha fillimisht Dervishi.
Më tej Dervishi u shpreh i habitur se se si ka mundësi që në krye të AMP-së kemi një njeri si Ardi Veliu që ka gënjyer publikisht edhe për ngjarjen e Elbasanit.
“Ndodh e kundërta, këto njerëz promovohen. Kjo është një tregues se këto ngjarje do përsëriten. Pse ata që kanë gënjyer dhe kanë inskenuar edhe rastin e Klodian Rashës nuk janë dënuar? Si ka mundësi që Ardi Veliu gënjen në një ngjarje sensitive si ajo e Elbasanit për zgjedhje. Si kalohet kjo?”-deklaroi Dervishi.
