Deputeti i Partisë Demokratike, Ervin Saianji ka kërkuar që të fillojnë hetimet për Ardi Veliun të cilin e bëri përgjegjës kryesor për vdekjen e Lear Kurit në duart e Policisë së Shtetit mbrëmjen e 19 tetorit teksa i riu shoqërohej për në komisariat.
Gjatë intervistës në Abc News, Saianji tha se Ardi Veliu manipuloi provat dhe kjo është një ngjarje e përsëritur pas asaj të Elbasanit kur u dhunua një adoleshent.
“Të gjitha provat, dëshmitë tregojnë që nuk janë ato që ka thënë policia, si që e kanë çuar me shenja jete ne komisariat, që nuk kanë ushtruar. Nisja e hetimeve duhet të bëhet për Ardi Veliun, manipuloi edhe ngjarjen e Elbasanit, manipuloi kur u dhunua një fëmijë, adoleshent, pra është përsëritës. Çfarë besimi mund të kesh te Prokuroria kur nenin e kishte citur gabim, kur bën deklaratë të përbashkët me AMP, s’kanë punë me njëra-tjetrën. Jemi në regjim, gjithçka kontrollohet nga një dorë, nuk ka përgjegjësi politike. Është i njëjti drejtues që ishte kur u vra Klodian Rasha dhe tha ishte me pistoletë, gjuajti policët. Më kriminale është mbulimi i ngjarjeve”, tha Salianji.
