Anëtari i Këshillit Kombëtar të PD, Ilir Alimehmeti skanon problematikat esenciale në bashkinë e Tiranës.
Duke shprehur ambicien e tij për të kandiduar në zgjedhjet e 14 majit për drejtimin e kryeqytetit, Alimehmeti tha se nëse zgjidhet, ai do të auditojë vendimmarrjen dhe çdo shkelje ligjore do të depozitohet në prokurori.
Ilir Alimehmeti: Inceneratorët, një vjedhje kolosale, një diskutim, problematikë madhore. Përveçse paguhet 29 euro për ton, 80 mijë euro në ditë për një shërbim që nuk merret. Ne nuk do shkojmë vetëm me logjikën çfarë do bëjmë, por në radhë të parë do t’i vendosim para përgjegjësisë këto gjërat që do të bëhen.
Gazetari: Nëse ju do të gjeni shkelje do t’i çoni ato në prokurori?
Ilir Alimehmeti: NUk diskutohet. është detyrë administrative, përndryshe je bashkëpunëtor nëse nuk e bën. Kjo është fillimi. Çdo gjë ilegjitime do të shkojë para organeve përkatëse. Nuk mund ta mbash të fshehur në dosje dhe të thuash na doli një pallat 9 katësh pa leje, nuk e dimë si doli, ishte një mister.
