Kryetari i Partisë Demokratike, Sali Berisha, ka reaguar përmes një postimi në rrjete sociale pas intervistës së nënës së Lear Kurtit, i cili ndërroi jetë në duart e policisë pak ditë më parë.
Kryedemokrati Sali Berisha shprehet se dyshimet e nënës së Lear Kurtit janë të drejta ndërsa shton se banda me uniformë Rama-Çuçi i mori shpirtin me dhunë Larit të ri.
Duke i shprehur ngushëllimet familjes së viktimës, Sali Berisha thekson se dënon xhelatët e Edi Ramës dhe Bledi Çuçit.
“Dyshimet e drejta të nënës së Lear Kurtit ndaj bandës me uniformë të Rama-Çuçit që i morën shpirtin me dhunë djalit të saj! Ngushëllime edhe një herë nënës për djalin e saj të vetëm, dhe dënim xhelatëve të Edi Ramës dhe Çuçit”, shkruan Berisha.
