Dhjetëra qytetarë ashtu sikundër ishte paralajmëruar nga Shoqëria Civile dhe Partia Demokratike janë grumbulluar para Ministrisë së Brendshme për të protestuar dhe njëkohësisht kërkuar dorëheqjen e Bledi Çuçit.
Protesta është thirrur pas vdekjes së 32 vjeçarit Lear Kurtit, I cili humbi jetën në duart e policisë dy netë më parë.
Pritet që protestës t’I bashkohen edhe deputetë të grupimit të opozitës, ndërkohë ende nuk dihet se bashkë me ta do të jetë dhe Sali Berisha.
Opozita bën përgjegjëse policinë për vdekjen e të riut, madje e ka quajtur vrasje shtetërore.
Kujtojmë se në shenj proteste janë ngritur edhe qytetar të Lezhës, të cilët kanë ndezur qirinj para komisariatit.
Të rinjtë u shprehen se Rama çdo ditë po vret shqiptarët. “ Ju jeni vrasës dhe këtë e di i madh dhe i vogël, këtë e dini dhe ju. Ajo që duhet të bëjmë ne është t’i themi boll kësaj paçavure. Nuk mund t’i kemi në jetën tonë këta palaço dhe nuk mund të na shkelin me këmbë”, thanë të rinjtë në fjalën e tyre.
