Të rinjtë e mbledhur para Ministrisë së Brendshme mbrëmjen e sotme për të protestuar në lidhje me vdekjen e të riut Lear Kurti kanë kërkuar dorëheqjen e ministrit të Brendshëm, Bledi Çuçi.
“Jetën na e ka dhënë Zoti, kjo polici e shteti po na e merr çdo ditë,. Kur na vret policia kë duhet të thërrasim. Na jep dot kush këtë përgjigje. Ne duhet të thërrasim popullin. T’i dalim përballë, atij”, është shprehur një qytetar
Gjithashtu qytetarët në thirrjet “Polici e krimit”, kanë bërë thirrje për bashkim të qytetarëve, dhe të kundërshtojnë dhunën policore.
“Janë politikat e shtetit shqiptar që po vrasin të rinjtë tanë,. Jemi këtu të kërkojmë llogari, vëllai i dikujt u vra padrejtësisht. Policisë i ngelen djemtë e Shqipërisë në dorë. I ngelën djemtë e një nënë në dore. Vranë Ardit Gjoklen, u vra i riu në Kavajë. Vranë Jonadën me një skaf që i kalonte 50 mijë euro” tha një tjetër qytetar, duke shtuar: “Përbaltën viktimën. Pyetje për Çuçin e policët? Më tregoni Kodin e Transparencës që zbardhet çështje e Leartit. E keni detyrim,. Autopsia është dhënë 2 orë pas vdekje. me rregull duhet 12 orë. jepni dorëheqjen. po shkelin çdo ligj, po mbrojnë uniformat e përbaltura me gjakun e të rinjve shqiptarë. Nuk do të dorëzohemi. Ju jeni vrasës!”
Ata kanë ngritur dyshime për procedurat e ndjekura nga policia pas vdekjes së të riut duke i cilësuar ato si të dyshimta në tentativë për të manipuluar ngjarjen.
“Të gjithë që kemi këtu jemi për dy arsye. Ata që mendojnë që kjo këtu nuk është politikë e kanë gabim. Janë politikat e shtetit shqiptar që po vrasin të rinjtë tanë. Ata që mendojnë se jemi këtu për parti përsëri e kanë gabim. Jemi këtu të kërkojmë llogari. Është hera e disatë që policisë i ngelen djemtë e Shqipërisë në dorë. Djemtë e një nëne dhe një babe në duart e militantëve në Edi Ramës në duart e kushërinjve të Bledi Çuçit dhe Ardi Veliut.
Vranë Ardit Gjoklajn dhe Ilvin. Ata vranë Jonadën me një skaf që i kalon 50 mijë eurot. Vranë Learin dhe me të njëjtën skemë manipuluan faktet dhe nisën të përbaltin viktimën. Më tregon pak kodin e transparencës që po përdor policia e shtetit për të zbardhur vrasjen e Learit. Është bërë autopsia dy orë pas vdekjes kur duhet 12 orë. Jepe dorëheqjen. Këta po shkelin çdo rregull. Çdo ligj. Po mbrojnë uniformat e tyre të përbaltura me gjakun e të rinjve shqiptarë. Është radha jonë të tregojmë që populli nuk dorëzohet para këtyre banditëve me uniformë dhe kapele”, u shpreh njëri nga të rinjtë.
