Në një kohë kur në mes të Tiranës qytetarë të shumtë kanë dalë për të protestuar për vdekjen e Lear Kurtit, kryeministri Edi Rama i pa shqetësuar qesh dhe bën shaka me simpatizantë të Partisë Socialiste gjatë një takimi mbrëmjen e sotme në qytetin e Elbasanit.
Të rinjtë e mbledhur para Ministrisë së Brendshme me pankarta në duar brohorasin: “Polici e krimit…Policia e krimit”, gjithashtu ata kanë kërkuar dorëheqjen e ministrit të Brendshëm, Bledi Çuçi i cili duhet të mbajë përgjegjësi për këtë ngjarje të rëndë pasi një 32-vjeçar vdes në duart e uniformave blu.
Në krahun tjetër, Rama i pa shqetësuar ndan certifikata të mirënjohjes për qytetarët që kanë investuar dhe kanë dhënë kontributin në Elbasan. Midis shumë qytetarëve të vlerësuar, titullin e Mirënjohjes e mori gazetari Elton Kikia që la profesionin e tij dhe kryeqytetin duke zgjedhur të punojë në fshat.
Teksa i dha certifikatën e Mirënjohjes Kikias, Rama tha me batutë: “Respekte! La gomerët e qytetit dhe erdhi për ti parë hajrin gomaricave këtu në fshat” (qesh).
Ky është kontrasti mes qeverisë Rama që qesh dhe qytetarëve që ngrihen në protestë për të kërkuar drejtësi. Pas Klodian Rashës, 8-vjeçares Joandës, tashmë është radha e Lear Kurtit që të mbetet viktimë në duart e policisë së shtetit.
(FOTO nga homazhet e qytetarëve që protestuan përballë Ministrisë së Brendshme)
