Në 30 vjetorin e themelimit të Gjykatës Kushtetuese, ish-presidenti Ilir Meta ka postuar një video të protestës së “2 marsit” duke shkruar se është mirënjohës ndaj qytetarëve që iu përgjigjën thirrjes së tij për të mbrojtur këtë institucion nga asgjësimi i saj.
Kreu i Partisë së Lirisë, Ilir Meta thekson se “Rilindja” tentoi të kapë Gjykatën Kushtetuese përmes falsifikikemve e mashtrimeve por u ndalua nga vullneti i popullit.
“Në 30-vjetorin e themelimit të Gjykatës Kushtetuese, një falenderim dhe mirënjohje për popullin e 2 Marsit që ju përgjigj thirrjes së Presidentit të Republikës për të mbrojtur pavarësinë e këtij institucioni shumë të rëndësishëm nga tentativat mafioze të Kryeministrit, nëpërmjet falsifikimeve, mashtrimeve, shkeljes së Kushtetutës dhe të ligjit, për kapjen dhe asgjësimin përfundimtar të saj. Nisma e sektit të “Rilindjes” përmes ligjit antikushtetues për betimin tek Lana të anëtarëve të Gjykatës Kushtetuese u ndal vetëm falë shprehjes dhe qëndresës së palëkundër të vullnetit të popullit. Ndaj të mos harrojmë mësimin e Thomas Jefferson: “Kur populli ka frikë nga qeveria aty ka Tirani. Kur Qeveria ka frikë nga populli, aty ka liri, aty ka drejtësi””, shkruan Ilir Meta teksa poston videon më poshtë.
