Dyqani kozmentik në rrugën “Sami Frashëri” pranë sheshit ‘Wilson, i cili ra pre mbrëmjen e kaluar nga një shpërthim me eksploziv, është në pronësi të Enisa Pirollit.
Është zbardhur edhe dëshmia e pronares së dyqanit. Shtetësja Enisa Pirolli ka deklaruar para hetuesve se nuk ka konflikte me askënd.
Enisa Pirolli kishte rreth katër muaj që e kishte marrë ambientin me qira për të ushtruar aktivitetin e biznesit dhe vinte nga Laçi për të punuar.
Paraparakisht hetuesit dyshojnë që sasia e tritolit të jetë vendosur për shkak të konkurencës, por nuk përjashtohet mundësia e ndonjë konflikti tjetër.
Sasia e tritolit ka qenë rreth 50 gramë, teksa autori është kapur nga kamerat e sigurisë të bizneseve përreth. Ka qenë me një bluzë me kapuç, e ka lënë në pjesën e poshtme të derës, e ka ndezur dhe është larguar.
