Nga Boldnews.al
Ndonjëherë ia lejon vetes të quhet kryediplomatja e Shqipërisë, sigurisht nëse Rama nuk ndodhet pranë saj në takimet jashtë vendit, megjithatë Olta Xhaçka është me fat, me shumë fat. Bashkëshorti u konsiderua “biznesmen strategjik” nga qeveria ku vetë Xhaçka është anëtare kabineti, duke i dhënë hapësirë publike për të ndërtuar rezort turistik. Opozita e kundërshtoi dhe bëri kërkesë për ngritjen e një komisioni hetimor i cili u mbyll dje, sigurisht në favor të Xhaçkës, kryediplomates së vendit që kryeministri e shpalli edhe “stragjike në investime”.
Kërkesa ishte për heqjen e mandatit të deputetes nën akuzën e konfliktit të interesit, pasi bashkëshorti i saj përfitoi nga qeveria truall publik dhe shfrytëzim plazhi për 30 vjet për interesa ekonomike. Mbi këtë kauz u mbajt opozita, por kartonët e “kamikazllëkut politik” vendosën të kundërtën.
“Nuk janë kushtet për vënien në lëvizje të Kushtetueses. Ne arrijmë në konkluzionin që nuk ka çështje që Kuvendi duhet tia dërgojë për shqyrtim Kushtetueses. Kërkesat e paraqitura nuk plotësojnë kriteret e Kushtetutës. Kuvendi në seancë nuk i diskuton raportet, e thotë kushtetuta dhe rregullorja”-thanë përfaqësuesit e Partisë Socialiste të cilët rrëzuan çdo pretendim të opozitës. Madje, i prerë edhe të drejtën që çështjen ta dërgojë për interpretim në Gjykatën Kushtetuese, që ka emërtimin si drejtësi e re, por prej muajsh që nga krijimi i saj çelësat e “institucionit të pavarur” i ka lënë në sportelin e “oficerit të rojes” së kryeministrisë.
Edhe nëse përfundon në Kushtetuese, ustallarët e rinj të drejtësisë që rezultoi edhe më e vjetër se e vjetra, ministren pa u lagur do e nxirrnin. Xhaçka është me fat. Fati i bardhë i madh është se kryeministri Edi Rama e ka kanakaren e tij, duke i dhënë poste të rëndësishme si ministre Mbrojtje dhe më pas ministre të Jashme. Po ashtu është me fat sepse e gjeti vetë fatin e saj në Parlament kur u martua me ish-deputetin socialist Artan Gaçi. Ky i fundit është dyfish me fat që ka një bashkëshorte ministre dhe një idhull si Rama që e mbështet në çdo nismë në zhbirilimin e “strategjisë zhvilluese”.
Biznesi i tij do ecë, karriera e bashkëshortes po shkon lart e më lart, ndaj fati paska vetëm një udhë të shkurtër, duke ndalur për të mos ikur më pikërisht në oborrin e Rilindjes. Vetë Xhaçka ia ka shpërblyer Ramës, me punë, me shumë punë. Kujtohet koha kur kritikoi fort ashpër me një verb të zgjedhur dhe ton kumbues homologët perëndimorë se nuk po bënin aq sa duhet për të pritur emigrantët nga Afganistani. I bëri “fërtele” duke u treguar se Shqipëria si vend i vogël kishte një zemër të madhe. Këto Kritika ja bëri homologut gjerman, aglez apo francez, duke harruar se të trija shtetet që u ngriti gishtin qortues janë mbutur nga amigrantët fatkeqë shqiptarë që po rrezikojnë jetën mbi gomone në rrugën e rrezikut detar.
Padyshim që “nderi” me nder lahet, për tu gatuar një pandershmëri e madhe ku bashkëshorti i ministres shpallet invetitor strategjik nga qeveria. Rasti mund të jetë unikal në botë, por edhe mbrojtja po aq do jetë. Sa me fat Xhaçka. Një pengesë e kapërceu fort lehtësisht.
