Deputeti i PL-së, Petrit Vasili ka reaguar pas deklaratave denigruese të kryeministrit Edi Rama ndaj kreut të sindikatës së pedagogëve. Në një postim në rrjetet sociale, Vasili publikon një foto të një reviste të ish-sigurimit të shtetit ku shquhet emri “Edi Rama” si autor i disa vizatimeve.
Në një tjetër fotografi, e publikuar më herët edhe nga ish-Presidenti Ilir Meta, autori i karikaturës identifikohet si “E.Rama”.
Bashkë me fotografitë, deputeti shkruan: Fundi i botes, piktori i dy metra i Sigurimit te Shtetit i leh Profesorit te Matematikes se Aplikuar!
“Hajde ç’bëhet hajde! Injoranti noterik Edi Rama i leh e çirret kunder Profesorit te Matematikes se Aplikuar Sander Kovaci. Rama ky Piktori devotshem, ilustratori i Revistes se Sigurimit te Shtetit, qe 19 vjeç, shume mirenjohes edhe per besimin, qe Sigurimi i dha, por edhe per pagesen ka marre me shume qejf, ka edhe fytyre te akuzoje sot Profesorin si njeri te Shik- ut. Ndersa po vete ky piktori i sigurimit, si kryeminister edhe e ka shperblyer vete Profesorin per punen e tij shume profesionale si Drejtor i Departamentit te Analizes, sot guxon dhe i leh si marrë te kembet profesorit. Dihet qe ky piktori i Sigurimit nga matematika as qe mbush fare, perjashtuar keto qindra milionat e inceneratoreve dhe te koncesioneve, se aty te grin bashke me keta “llogaritaret” e vet dhe nuk u shpeton asnje lek pa grabitur”, shton Vasili.
“Ndaj Matematika, Universiteti dhe Shkenca, qe perfaqson profesori i bejne alergji ketij piktorit injorant te Sigurimit te Shtetit ndaj versulet si qente e rruges ndaj Prof.Kovaçit. Le ti shohim bashke ilustrimet e Piktorit te Sigurimit te Shtetit te cilat i ka nenshkruar vete me shume dashuri nga Edi Rama per Revisten ne Sherbim te Popullit”, përfundon ai.
Gjatë ditës së sotme, kryeministri Edi Rama është përpjekur të denigrojë kreun e sindikatës së pedagogëve i cili ka qenë pjesë e Shërbimit Informativ, duke e quajtur “shiks”.
Pedagogët janë ngritur në protesta duke paraqitur një sërë kërkesash në institucione, mes të cilave është rritja e pagave.
