Nga Boldnews.al
Kryebashkiaku i Tiranës Erion Veliaj po i tregon “topet e hekurit” edhe kryeministrit Edi Rama. Sfidën e ka lëshuar hapur në çështjen e pallateve dhe kullave pa leje që ngrihen nga qendra e Tiranës deri në periferi të saj. Kryeministri në shfaqjen e radhës për “spektakël popullor” u shfaq si personi që tashmë do të sekuestronte çdo matër katrorë të ndërtuar pa leje.
Si për të treguar se e kishte seriozisht, largoi nga drejtimi i IKMT-së Ajet Zyberin dhe në vendin e tij riktheu Dallëndyshe Bicin e cila e ka këtë institucion si folenë e saj. Gjithashtu sa për imazh u pezulluan nga detyra katër zyrtarë policore që mbulojnë komisariatin 1 në Tiranë.
Sipas Ramës, këto lëvizje erdhën pikërisht nga ndërtimet pa leje, por ndryeshe nga Rama kryebashkiaku i Tiranës Erion Veliaj ka vendosur të mos bëjë asnjë lëvizje, madje duke ruajtur si “ujin e pakët” kryeinspektorin e INUV-it, Mariglen Qaton. Padyshimin që duhet të ishte personi i parë që duhet të kishte përfunduar minimalisht i shkarkuar dhe proceduar penalisht, por ai po mbrohet nga Lali Eri, që në këtë rast po i tregon Ramës se është “b…hekur” sikurse deklaroi një vit më parë në perplasje me kreun e FSHF-së Armand Duka.
Mbajtja e Qatos dukshëm është një sfidë që i bëhet kreut të qeverisë, ku edhe pse ndërtimet pa leje kanë gjalluar frikshëm në territorin që mbulon Bashkia e Tiranës, kryeinspektori jo vetëm nuk preket, por po e shton edhe më shumë ndikimin e tij në qarkun e ngushtë: Oligarki-Bashki.
Burimet pranë Bashkisë së Tiranës shprehen se Qato vijon të jetë në krye të INUV, madje tërësisht i pashqetësuar pasi ka marrë garanci nga Veliaj që nuk do të preket. Gjithashtu është i qetë edhe nga sistemi i ri i drejtësisë që dosjet e ndërtimeve pa leje të kullave dhe pallateve i kanë mal dhe nuk nisin hetimet per kreun e INUV-it.
Veliaj po luan me kohën, duke e konsideruar një ngjarje të harruar çështjen e ndërtimeve pa leje. Ai është personi që njeh më mirë lëvizjet e Ramës që çdo nismë që hedh në tregun publik e ka për të mbuluar një aferë edhe më të madhe. Gjithashtu Veliaj ndodhet në prag të zgjedhjeve lokale dhe do i duhen personat që deri më tani kanë mbuluar çdo baterdi që po bëhet me ndërtimet në kryeqytet.
Një lojë e rëndë e Veliajt që sfidoi haptas Ramën, duke mos pranuar që problemi është në bashkinë që drejton, madje po promovon edhe më shumë personat përgjegjës që mbytën Tiranën në ndërtime me dhe pa leje të ngritura sa në qendër në periferi.
