Kreu i Sindikatës së Pedagogëve, Aleksandër Kovaçi në ditën e dytë të bojkotit të mësimit ka bërë me dije se protestat do të vijojnë edhe në ditët në vijim, duke i bërë thirrje më tej të gjithë pedagogëve të cilët nuk u janë bashkuar deri më tani, të shkojnë të kërkojnë të drejtat e tyre.
Gjatë deklaratës për mediat, Kovaçi teksa deklaroi se orët e humbura mësimore do të zëvendësohen si në kohën e pandemisë, sqaroi dhe arsyet se pse të rinjtë zgjedhin më shumë degën e Infermierisë. Sipas tij, kuotat për Infermieri janë të mbushura për shkak se duan të largohen.
“Do vazhdojmë protestën tonë 7% është i pavlefshëm për të ndryshuar situatën e arsimit të lartë. Bojkoti do të vazhdojë çdo ditë derisa qeveria të premtojë se do plotësohen kërkesat. Sot nuk do të ketë mësim, studentë të na mirëkuptojnë. Mbi 75% e publiku kanë mbështetur idenë se kemi të drejtë në kërkesat tona. Kryeministri të financojë universitete e rretheve. Të profilizohen Universitetet e rretheve. Të gjithë e kanë mendjen të largohen nga Shqipëri, ndaj të gjithë janë regjistruar për infermieri në Vlorë. Erdhi në fshehtësi dhe iku në fshehtësi. Përshkallëzimi nuk e duam, s’duam të ndërpresim mësimin, por është më seriozët. Do i zëvendësohen orët e mësimit, në orë shtesë, fundjavë. Studentët janë dakord që kërkesat tona janë të drejta. S’kemi pasur komunikim me Ministrinë e Arsimit”, tha Kovaçi.
Sa i përket takimit të kryeministrit Edi Rama me rektorët i cili u zhvillua paralelisht me protestën e tyre, Kovaçi u shpreh se kryeministri do “ti thërrasë mendjes” kur të shohë situatën në të cilën ndodhen universitetet. Ai theksoi se performanca e universiteteve është shumë e mirë me gjendjen e mjerueshme që universitet janë. Më tej Kovaçi bëri me dije se të gjitha orët të cilat studentët nuk po i zhvillojnë për shkak të bojkotit të pedagogëve do të zvëdësohen në ditët në vijim, atëhere kur qeveria të ketë plotësuar kërkesat e tyre.
“Ai e ka takimin me rektorët. Natyrisht do ti thërrasë mendjes që të shohë situatën e mjerueshme në universitete, mora vesh që po merret me rankimin e universiteteve, rankime pa investime janë kot. Performanca e universiteteve është shumë e mirë me gjendjen e mjerueshme që universitetet janë sot. Ata kanë vazhduar edhe në kohën e pandemisë. Dhe kanë pasur dhe pasoja. Nuk mund të bësh rankim me 0.7 përqind të GDP. Të gjithë duhet të kontribuojnë për universitetet publike. Përtej monologut që bën qeveria të shohë dy cështje; rankimi për pedagogët jemi të fundit në evropë. Qeveria të shohë premtimin që ka dhënë 8 vite më parë 5% të GDP për arsimin”, tha ai.
Kujtojmë që ditën e sotme Edi Rama hodhi një ide të re sa i takon ndarjes së degëve në universitete e vendit, që sipas tij duhet të lokalizohen dhe mos të jenë të shpërndara, duke marrë shembullin e degës së Juridikut dhe të Infermierisë.
