Pas një seancë maratonë, 11 gra të arrestuara në një “shtëpi bari” në Bardhaj të Shkodrës janë lënë të lira nga gjykata e Shkodrës duke caktuar ndaj tyre masën e sigurisë detyrim paraqitje.
Njëra nga gratë mbeti në burg së bashku me dy persona të tjerë. Ndërkohë për dy persona gjykata dha masën e sigurisë arrest shtëpie.
Avokatët e të pandehurve e cilësuan vendimin e gjykatës kryesisht të drejtë, ndërsa paralajmëruan se do apelojnë vendimin për personat e mbetur në burg dhe arrest shtëpie.
“Nga 16 të arrestuar, gjykata vendosi arrest me në burg për tre persona, arrest në shtëpi për dy persona, ndërkohë për 11 gra vendosi caktimin e masës së sigurimit detyrim paraqitje. Ishte një vendim shumë i drejtë në përgjithësi. Rasti tregon gjendjen e jashtëzakonshme në të cilën ndodhet shoqëria shqiptare ku 12 zonja kanë qenëdruar tre ditë në burg. Sheh vetëm dy rrugë për të mbijetuar, njëra largimi nga Shqipëria dhe tjetra është krijimi i mundësive të tilla për të siguruar bukën e gojës. Ato nuk kishin dijeni, kanë ardhur për të pastruar sherebelë por sapo kanë ardhur janë arrestuar dhe e kanë kuptuar se bëhet fjalë për diçka të paligjshme.Të gjitha gratë janë liruar me përjashtim të njërës që mbeti në burg. Vendimi do apelohet për ata në arrest shtëpie dhe në arrest me burg”, tha një prej avokatëve.
Operacioni u zhvillua me 12 tetor, kur u arrestuan 16 persona. Gra nga Tirana, Kamza dhe Fushë Kruja kishin udhëtuar drejt Shkodrës për të punuar në shtëpinë ku kultivohej kanabis sativa. Ato u kapën në banesën e 31-vjeçarit Pjetër Gjoni, në fshatin Bardhaj e cila ishte kthyer në një laborator të kultivimit të bimëve narkotike. Aty u gjetën 86 kg kanabis. Punën grave, sipas hetimeve, ua kishte gjetur 42-vjeçarja nga Tirana Danjela Hasani, e dënuar edhe 3 herë të tjera më parë po për këtë veprimtari kriminale.
Raportohet se Pjetër Gjoni, ndaj të cilit u dha masa e sigurisë arrest me burg, ka marrë përsipër që lënda narkotike është e tija dhe se nuk ka asnjë person tjetër përgjegjës për të, pasi edhe lënda është gjetur në banesën e tij. Ai pranoi se ka gënjyer disa gra duke u thënë se do ju siguroj punë për të pastruar sherebelë dhe se nuk ju ka treguar se do pastronin lëndë narkotike. Ndërkohë që gratë kanë thënë se nuk dinin asgjë për drogën por kanë ardhur për një ditë pune në sherebelë.
Masat e sigurisë
Arrest me burg
Pjetër Gjoni, 31 vjeç banues në lagjen Bleran, fshati Bardhaj, Njësia Administrative Rethina Shkodër,
Roland Gioni, 22 vjeç, banues në lagjen Bleran, fshati Bardhai, Njësia Administrative Rethina Shkodër
Danjela Hasani, 42 vjeçe banuese në Kombinat, Tiranë, arrest me burg
Arrest shtëpie
Zef Gjoni, 56 vjeç, banues në Bleran, Bardhaj, Njësia Administrative Rrethina, Shkodër
Elvis Gjoni, 24 vjeç banues në Bleran, Bardhaj, Njësia Administrative Rrethina, Shkodër
Detyrim paraqitjeje
Flora Gioni 29 vjeçe, banuese në Bleran, Bardhaj, Shkodër
Antoneta Gjoni 55 vjeçe, banuese në Bleran, Bardhaj, Shkodër
Drita Cuni 45 vjeçe, banues në Kamez
Dorentina Hoxha 34 vjeçe, banues ne Mamurras
Franga Gini 52 vjeçe, banues në Kamëz, Tiranë
Hurme Bafti, 47 vjeçe, banuese në Kamëz, Tiranë
Mimoza Hoti, 51 vjeçe, banues në Kombinat, Tiranë
Elida Doku 43 vjeçe, banuese në Fushë Krujë
Blerina Meta 37 vjeçe, banues në fshatin Larushk, Fushë-Kruje
Valbona Haka 45 vjeçe, banuese në fshatin Nikël, Fushë-Krujë
Fatime Baftaj 53 vjeçe, banues në Kamëz
