Pas 8 vitesh premtime për zgjidhjen e kaosit me urbanët dhe për krijimin e terminaleve të tyre, Erion Veliaj gjen zgjidhje të re se si ti shpenzojë paratë.
Në vend të rregullit, vendos të shpenzojë paratë për të numëruar njerëzit.
Nuk është batutë por një tender me vlerë 35 mijë euro.
Sipas dokumenteve të tenderit, përveç numërimit të pasagjerëve me sy të lirë, kompania gjithashtu do të monitorojë vendodhjen e stacioneve, shpeshtësinë e mbërritjes së autobusëve në stacion dhe kapacitetin se sa pasagjerë merr një urban.
Këto të dhëna do të mblidhen 2 herë në ditë, në mëngjes dhe në mesditë.
Kujtojmë se në muajin maj të vitit të shkuar, Bashkia e Tiranës ndërpreu abonetë më justifikimin se do të bënte matjen e trafikut dhe të udhëtarëve.
Edhe në atë kohë koston e morën qytetarët, ndërsa Bashkia nuk bëri asnjë zgjidhje.
Edhe këtë radhë Kryebashkiaku pretendon se do të zbulojë se në çfarë gjendje janë sot linjat e urbanëve.
Të shpresojmë që analiza kësaj radhë të mos jetë vetëm për të shpenzuar paratë e radhës që Veliaj i nxjerr nga taksat e shqiptarëve.
Kujtojmë se në 2016-ën, premtoi pajisjen e transportit urban me sistem elektronik të biletës, por që nuk u realizua kurrë.
Më pas në vitin 2017-të premtoi se do të ndërtohet një terminal për urbane, por që edhe ky premtim nuk u mbajt.
Por a do të mundet që të numërojë udhëtarët?
/Ora News/
