Deputetja demokrate Ina Zhupa, ka thirrur ditën e sotme në interpelancë Ministren e Turizmit dhe Mjedisit, Mirela Kumbaro.
Në fjalën e saj, Zhupa specifikon disa nga ngjarjet e rënda që kanë ndodhur në vend gjatë sezonit turistik, duke fajësuar Kumbaron, se ka dështuar në punën e saj si ministre e turizmit.
Ndërkohë me ironi shtoi se është e kënaqur sot që sheh Kumbaron të pamaskuar, ashtu siç bënte gjatë verës kur inspektonte plazhet.
“E falënderoj zonjën Kumbaro që sot vjen e pamaskuar siç bënte kur inspektonte plazhet. Mirela duhet të kishte dhënë dorëheqjen, nga dështimi kryerjes së funksionit të saj si Ministre e Turizmit.Vendi ynë është i bekuar nga njerëzit punëtor, por i mallkuar nga qeveritarët. Mjafton që t’ju kujtoj ngjarjet e hudhura që ndodhën gjatë sezonit turistik. Mjafton të kërkoni në google se si mbyet i mituri, si mbyetet vëllai, mbytet vëllai i dytë etj, nuk dua të zgjatem se janë lajmet të hidhura. A ka përgjegjësi Ministrja për këto? Të gjithë e mbani mend vrasjen në Potam, a kishte përgjigjes Kumbaro? Në një shtet tjetër nuk do të bëja interpelancë me Kumnbaron, pasi ajo do kishte dhënë dorëheqjen. E dini për çfarë është përgjegjëse ministrja, për dhënien e licencave dhe mbikëqyrjen e mjeteve ujore, për distancën nga plazhistët. A mendoni se ka një farë përgjegjësie edhe ministrja? Sigurisht që po. Ne shihnim ministren që inspektonte Durrësin natën për plehrat, ndërsa ditën Durrësi lëngonte nga plehrat”, tha Zhupa.
