Në këto javë të para të Superiores janë dalluar shumë skuadra të cilat kërkojnë që të godasin topin brenda zonës kundërshtare dhe jo shumë kanë qenë tentativa nga distanca.
Me anë të një statistike, shikohen se cilat skuadra e mbajnë më shumë topin brenda zonës kundërshtare, gjuajtjet për 90 minuta dhe përqindja e gjuajtjeve në zonë.
Për sa i përket prekjeve të topit në zonën kundërshtare, vendin e parë e mban Partizani, i cili më pas ndiqet nga Tirana në vendin e dytë dhe Egnatia në të tretin, ndërsa vendi i fundit mbahet nga Erzeni.
Në gjuajtjet për 90 minuta, kryeson Tirana, ndërsa “Demat” vijnë të dytët, ndërsa podiumi plotësohet nga Vllaznia. vendi i fundit në këtë listë mbahet nga Kukësi.
Për sa i përket përqindjes së gjuajtjeve brenda zonës, vendi i parë mbahet nga Egnatia me 64%, duke u ndjekur nga Partizani me 59% dhe Teuta me 55%, ndërsa vendi i fundit mbahet nga Erzeni me 37%.
