Është zbardhur dinamika e masakrës në Klos, ku humbën jetën babë e bir dhe u plagosën 2 të tjerë.
Sipas dëshmisë së dy vëllezërve të autorit (Fiqiri Mjeshtri), Kenado Shira kishte një lidhje me vajzën 16-vjeçare të autorit.
Dy vëllezërit kanë deklaruar se nuk kanë qenë dakord me lidhjen e 17-vjeçarit me vajzën pasi morën vesh për lidhjen e tyre. Kështu autori, pasi kishte mësuar për ngacmimet ne instagram, kishte ardhur nga emigrimi dhe kishte kërkuar sqarim me të në lokal.
Fiqiri Mjeshtri ishte i shoqëruar nga dy vëllezërit Besnik (polic bashkiak) dhe Fatmir Mjeshtri, ndërsa i riu kishte me vete babain e tij Ilir Shira.
Sipas dëshmisë së dy vëllezërve, Mjeshtri i kishte kërkuar Kenados që të martohej me të bijën, ndërsa ky i fundit kishte refuzuar duke fyer dhe vajzën e tij se nuk ishte e denjë për të. Kështu situata është agravuar dhe Fiqiri Mjeshtri ka nxjerrë armën duke qëlluar për vdekje babë e bir, dhe duke plagosur aksidentalisht dy të tjerë.
Ndërkohë, Fiqiri Mjeshtri, pronar i një galerie kromi pasi u largua nga vendi i ngjarjes, është vetëvrarë 900 metra larg banesës së tij.
