Ish-Ministri i Brendshëm, Saimir Tahiri i cili po vuan dënimin e formës së prerë në burgun e Kosovës së Lushnjës, pasi është dënuar për shpërdorim detyre, do t’i rikthehet sërish dyerve të Gjykatës.
Burime bëjnë me dije se Tahiri i ka dërguar sërish një kërkesë Gjykatës për njohjen e kohës së paraburgimit.
Të njëjtat burime konfirmojnë se ditën e sotme Gjykata e Shkallës së Parë Elbasan do të mblidhet në orën 10:00 për të shqyrtuar kërkesën.
Në sallë ka kërkuar që të jetë prezente edhe Prokuroria e Elbasanit, e cila do të përfaqësohet nga Prokurori i Ekzekutimeve penale. Gjyqtarja që do të shqyrtojë kërkesën e Saimir Tahirit është Pajtime Fetahu.
