Policia e Fierit ka dalë me një reagim zyrtar, në lidhje më grabitjen e automjetit tip “Benz”, mbrëmjen e së dielës në Lushnje, në vendin “Pushimi i shoferit”.
Bëhet e ditur se automjeti u gjet i braktisur dhe i mbyllur, në lagjen “Pavarësia 2”, Vlorë, ndërsa grupi hetimon po punon mbi zbardhjen e rrethanave të ngjarjes.
Njoftimi:
DVP Fier / Informacion shtesë
Në vijim të punës policore, me qëllim zbardhjen e ngjarjes së ndodhur mbrëmjen e djeshme në Lushnjë, ku në vendin e quajtur “Pushimi i shoferit”, u vodh me dhunë një automjet tip “Benz”, shërbimet e DVP Fier, në bashkëpunim me shërbimet e DVP Vlorë, bënë të mundur lokalizimin dhe gjetjen e automjetit të vjedhur, i cili u gjet i braktisur dhe i mbyllur, në lagjen “Pavarësia 2”, Vlorë.
Grupi hetimor ndodhet në vendngjarje dhe po kryen veprimet e mëtejshme procedurale për zbardhjen e plotë të kësaj ngjarjeje.
