Zhdukja “misterioze” e Ervis Martinajt po përplas njëra me tjetrën institucionet në vendin tonë.
Gazetarja Klodiana Lala ditën e sotme raporton se Prokuroria e Kurbinit ka kërkuar lejimin e kontrollit të disa banesave në Durrës, por Gjykata e ka rrëzuar këtë vendim.
Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse. Ndërkohë kërkesa për kontrollin e banesave, u pranua nga gjykata e Apelit Tiranë.
Fati i Ervis Martinajt vijon të mbetet mister që prej datës 8 gusht, pas denoncimit të bërë nga familjarët e tij se rezulton i zhdukur. Zhdukja e njeriut shumë mediatik të botës së krimit dhe biznesit ka mbërthyer shqiptarët pas mediave për gati dy muaj. A është vrarë apo është zhdukur Martinaj? Fillimisht peshorja anonte më shumë nga inskenimi i ngjarjes. Së fundmi, dyshohet se Martinaj ka pësuar një fund tragjik.