Një minator ka humbur jetën në një prej galerive të Bulqizës, pasditen e sotme.
Policia njofton se gjatë punës është aksidentuar 52-vjeçari me inicialet K. L., i cili për shkak të plagëve ka ndërruar jetë.
Minatori që ka humbur jetën është identifikuar si Kujtim Lili, 52 vjeç nga Klosi, zjarrmëtar në një galeri private në Zonë të Parë në Bulqizë.
Nga informacionet e para bëhet me dije, se ka humbur jetën si pasojë e shpërthimit të lëndës plasëse, gjatë vendosjes së minave në front.
Policia e Bulqizës/ Informacion parapra
Në një subjekt minerar në Bulqizë, dyshohet se gjatë punës, është aksidentuar shtetasi K.L., 52 vjeç, i cili si pasojë e dëmtimeve të marra ka humbur jetën.
Grupi hetimor ndodhet në vendngjarje dhe vijon puna për zbardhjen e rrethanave të ngjarjes.
