Greva në rafineritë “TotalEnergies” dhe “Esso-ExxonMobil”, por edhe ulja e prodhimit të naftës nga vendet e OPEC po shkakton radhë të gjata dhe kaos në pikat e furnizimit në Francë, duke detyruar shumë drejtues mjetesh të ikin në Belgjikën fqinje për të mbushur makinat e tyre.
Shumë stacione të karburanteve franceze prej ditësh kanë probleme me furnizimin për shkak të grevës në rafineritë dhe depot e karburanteve.
Të dielën u raportua se rreth një e treta e stacioneve të karburantit përjetuan probleme furnizimi krahasuar me 21% që ishte të shtunën, me qeverinë e Macron që u detyrua të lëshonte sasi karburanti nga rezervat strategjike dhe të rriste importet, me masat emergjente që synojnë të përmirësojnë situatën.
The fuel crisis in France have caused huge lines to petrol stations in and around Paris…
Three out of six refineries are currently shut down in France, due to worker strikes that have cut production by 60%, equivalent to 740,000 barrels of petrol per day… pic.twitter.com/uMLdPzwng9
— Wall Street Silver (@WallStreetSilv) October 9, 2022
Ndërkohë, grevistët kërkojnë rritje të pagave me 10% në një kohë të inflacionit të lartë dhe kur fitimet e kompanive të naftës kanë prekur majat.
Nga rafineritë e “Totalit”, tre janë mbyllur prej ditësh, duke përfshirë më të madhin e kompanisë në Normandi, ndërsa edhe një zonë e madhe magazinimi në veri është gjithashtu e bllokuar.
“Shoferët presin deri në dy orë jashtë stacioneve të karburantit, veçanërisht në zonën e madhe të Parisit. Gjakrat në disa raste janë nxehur. Një burrë goditi me thikë një burrë tjetër për të zënë vendin e tij në radhë, duke e bërë atë për spital”, raporton TheGuardian.
🚨La grève chez TotalEnergies fait craindre une #penurie de #carburants
Les français font des la queue pendant des heures pour pouvoir se ravitailler.
Sauf que…
C’est précisément ce comportement qui provoque des pénuries. https://t.co/rl2ufMaI11 pic.twitter.com/BTxepqAED8
— MoneyRadar (@MoneyRadar_FR) October 6, 2022
Sakaq, problemi është më intensiv në veri të vendit, prandaj Belgjika fqinje shihet si strehë. Pompat e benzinës belge, pranë kufirit me Francën, po shënojnë madje një rritje prej 15-20% të kërkesës ditët e fundit.
Megjithatë, situata nuk shkakton shqetësim për sa i përket furnizimit të Belgjikës.
Sikur të mos mjaftonte kjo, nga e shtuna në mëngjes deri të dielën në mesditë qindra aktivistë të “Code Rouge” bllokuan objektet e përpunimit të karburantit në Belgjikë në një akt të “mosbindjes civile” që synonte të demonstronte përgjegjësinë e industrisë së karburanteve fosile për ndryshimet klimatike dhe krizën sociale.
Toutes les stations #carburants du Nord-Pas de calais ressemblent à ça même à minuit. Les 3/4 des stations sont vides et fermées, celles ouvertes ils faut compter + de 3h d’attente, les gens en viennent à se battre.
Mais soyons rassurés, #Veran dit qu’il n’y a pas de #penurie 🤓 pic.twitter.com/Y2OTVwotpu— GhostRideuz (@ghost_rideuz) October 5, 2022
