Bisedën në takimin me qytetarët në Gjirokastër, kryetari i Partisë Demokratike, Sali Berisha e ka përqendruar te shpenzimet e larta për luks të qeverisë së drejtuar nga kryeministri Edi Rama.
Duke qenë se së fundmi janë alokuar një sërë fondesh për shpenzime që edhe mund të eliminoheshin në kohë krize, siç është instilacioni me vlerë 3-4 milionë euro te Kryeministria, Berisha konstaton se akund tjetër nuk vidhet kaq hapur sa në Shqipëri.
Berisha u ndal edhe te investimet në infrastrukturën rrugoren, të cilat bëhen sipas një skeme ku pjesën më të madhe të fondit e shtie në dorë qeveria, duke ia dhuruar tenderët klientëve të saj.
“U nis rruga Kardhiq-Delvinë me 700 mijë euro kilometri, sosi me 2.2 mln euro kilometri. Lexova sot rrugët e florinjta. 5 milionë euro zgjerimi i rrugës Elbasan-Librazhd. Nuk ndodh kund në botë veçse në Shqipëri. Askund nuk vidhet në këtë mënyrë”, tha Berisha.
Në vijim, Berisha e akuzoi kryeministrin Edi Rama se ka larguar “trurin” e Shqipërisë me politikat e tij të dështuara në arsim, prej të cilave po mbyllen dhjetëra degë në universitetet rajonale.
“Universitet që ishin projektuar si epiqendra zhvillimit rajonal po shuhen, sepse u përdorën kritere u hoq dorë nga arsimi masiv për të cilin kishim nevojë jetike e u kala në arsim selektiv, metoda që bota e ka braktisur që në vitet ’80. Të rinjtë po ikin sepse qeveria do të ikin nëse rrit mesataren, godet Shqipërinë rurale që mund të jetë shumicë numerike. Para 3 ditësh në Bubq një fermer me 8 klasë shkollë tha Rama po largon fëmijët me mesatare. Kishte kuptuar se po e përdor mesataren si shpatë. Ndërpreu doktoraturat, asgjësoi kërkimin shkencor në Universitete. Atë trend që kishim për rritje rrogash e ndërpreu. Sot për tu bërë mësues ka një procedurë identike që SHBSA ka për tu bërë mjek. Sot pedagogë paguhen 60 përqind më pak se në Prishtinë, por mos të folur për kushtet atje”, shtoi Berisha.
