Kryetari i Partisë Demokratike Sali Berisha në takimin e tij me gazetarët ka thënë se vendi nuk ka qenë kurrë kaq i pasigurt.
Sipas tij shkatërrimi i sistemeve TIMS dhe Memex ka bërë të mundur largimin dhe futjen në vend të qindra kriminelëve për qëllimet e tyre.
“Çdo ditë që kalon regjimi i Edi Ramës bëhet më abuziv, vjedh më shumë, mashtron më shumë dhe ka humbur tërësisht sensin e njerëzisë. Kurrë vendi nuk ka qenë më i pasigurtë se ëkto ditë. Vetëm shkatërrimi i sistemit TIMS dhe MEMEX ka bërë të mundur që në vend të futen e të largohen qindra kriminelë”, shprehet Berisha.
Berisha po ashtu tha se ky sulm ndaj sistemeve ishte një operacion i kryer nga brenda sistemit dhe kishte si qëllim fshehjen e gjurmëve të thasëve me euro që kriminelët i kanë dorëzuar politikanëve.
“Kjo është absolutisht operacion i kryer nga brenda sistemit, dhe kishte një qëllim. Të zhduke gjurmët e lidhjes së politikës me krimin. Të zhdukë gjurmët e udhëtimeve të Taulant Ballës 54 herë më një super trafikant. Të zhduke gjurmët e thasëve me euro që kriminelët i kanë dorëzuar politikanëve. Kishte qëllim transformimin e vendit dhe vendosjen e tij në urdhrat e krimit.”, vazhdon Berisha.
Sakaq, Berisha foli edhe për shkarkimin e ish kreu të Policisë së Shtetit Gledis Nano, për të cilin ai tha se u shkarkua në mënyrën më mafioze dhe se “shqiptarët nuk morën vesh gjë përveç lidhjeve të Çuçit me Ramën”.
“Një polic u largua në mënyrën më mafioze, shqiptarët nuk morën vesh asnjë argument pse kryepolici i vendit u largua nga detyra, përveç lidhjeve të Çuçit me Ramën. Lidhjet e krimit të Ramës dhe Çuçt me bandat kriminale. Ka shtrirë kontrolli në çdo qelizë, siguria është në rrezik, pas çdo frime që ai vendos është një vjedhje e re.Çdo lëvizje në administratë e ka të kontrolluar nga krimi. Ka një vendosmëri të madhe për të ecur drejt protestave të mëdha kombëtare. U bëj thirrje shqiptarëve kudo që janë, të ngrihemi kundër këtij dhunimi”, u shpreh Berisha.
