Kryeministrja e re e Italisë, njëherësh liderja e partisë “Vëllezërit e Italisë”, e cila doli partia fituese duke udhëhequr Qendrën e Djathtë drejt një triumfi historik, ka falënderuar kryetarin e Partisë Demokratike, Sali Berisha për urimet e tij.
Në një letër drejtuar kreut të selisë blu thotë se afërsi me PD është historike ndaj bashkëpunimi dhe mbështetja nga qeveria e re italiane do të jetë më e madhe se kurrë.
LETRA E PLOTË:
I dashur President,
Ju falenderoj sinqerisht për mesazhin që më keni dërguar. Shpresa ime është që fitorja e “Vëllezërve të Italisë” dhe e qendrës së djathtë, të mos jetë vetëm përgjigja më efektive e mundshme ndaj nevojave të italianëve, por shenjë shprese dhe inkurajimi për të gjitha partitë dhe lëvizjet konservatore në Evropë që të mos ndalen kurrë së luftuari për vlerat tona të përbashkëta.
Në këtë kuptim, afërsia me partinë tuaj është historike, dhe për ne shumë e rëndësishme, ashtu sië është thelbësore të forcohet miqësia midis popujve tanë dhe të mbështetet sa mirë rruga evropiane të Shqipërisë. Për këtë pikë të fundit, mund t’ju siguroj vetëm mbështetje maksimale nga qeveria e ardhshme italiane. Me përzemërsi të ngrohtë,
Giorgia Meloni.
