Një 37-vjeçar ka përfunduar në prangat e policisë pasi ka thyer masën e sigurisë “arrest shtëpie”.
Sipas njoftimit të policisë është arrestuar shtetasi me iniciale E.Y, i cili është përfshirë në një vjedhje në rrugën “Ismail Qemali” në Tiranë. Tashmë 37-vjeçari do të përballet sërish me drejtësinë pasi theu masën e sigurisë.
“Theu masën e sigurisë “Arrest në shtëpi”, për veprën penale “Vjedhja” dhe kreu 2 herë të tjera të njëjtën vepër penale, arrestohet në flagrancë 37-vjeçari.
Në vijim të veprimeve u bë arrestimi i shtetasit E. Y., 37 vjeç, banues në Tiranë, për veprat penale “Vjedhja” dhe “Largimi i të burgosurit nga vendi i qëndrimit”.
Ky shtetas dyshohet se ditën e djeshme ka vjedhur sende të ndryshme personale, në një automjet të parkuar në rrugën “Ismail Qemali” dhe në një automjet të parkuar në rrugën “Besim Imami””, njofton policia e Tiranës.
Nga verifikimet e kryera ka rezultuar se ky shtetas ka shkelur masën e sigurisë “Arrest në shtëpi”, të caktuar nga Gjykata, për veprën penale “Vjedhja”. Vijon puna për dokumentimin e vjedhjeve të tjera që mund të jenë kryer nga ky shtetas. Materialet i kaluan Prokurorisë, për veprime të mëtejshme procedurale.
