Kryeministri Edi Rama mohoi gjatë një interviste televizive këtë të Hënë se i shërben Presidentit turk Erdogan, por tha se Turqia është një aleat i çmuar.
Rama u pyet nëse mbyllja e institucioneve të “Turgut Ozal” ishte një zbatim i kërkesës së Presidentit turk gjatë vizitës në Tiranë.
“Këtu në Shqipëri ka shumë institucione që i përkasin të gjithë këtij zinxhiri. Presidenti Erdogan nuk ka dhënë asnjë urdhër dhe nuk jep asnjë urdhër. Nuk e jep dot në një vend sovran. Nuk është urdhër, por një kërkesë, historike. Nga ana tjetër, ka qenë një kërkesë që është bërë gjithmonë dhe ne ndërkohë, kemi vepruar sipas ligjeve të Republikës së Shqipërisë. Nuk kemi vepruar sipas opinioneve apo spekulimeve që bëhen këtu, por sipas ligjeve të Republikës së Shqipërisë”, tha Rama.
A i ka kërkua Erdogan largimin e kreut të Komunitetit Mysliman?
Rama tha se ky ent është tërësisht i bazuar në organizim dhe vetqeverisje dhe s’vendos për komunitetet.
I pyetur nëse inaugurimi i xhamisë lidhet po me Presidnetin turk, shefi i ekzekutivit tha se është një çështje që nuk e vendos qeveria, por komuniteti Mysliman bashkë me Komunitetin Mysliman turk që është financues.
Ramës iu kujtua edhe depërtimi në Turqi i të kërkuarve për lidhjet e tyre me organizatën e kundërshtarit të Erdoan, Fehtullall Gulen, e shpallur si organizatë terroriste nga Ankaraja zyrtare.
Të gjitha këto janë rastësi, s’kanë lidhje?
“Janë të gjitha sipas ligjit”, tha Rama, i cili shtoi se po bëhen spekulime.
“Të kesh në këtë kohë sidomos një aleat si Turqia është një aset shumë i çmuar”, tha Rama.
I pyetur me çfarë çmimi, u përgjigj: Asnjë çmim.
“Në rast se konstatoni shkelje të ligjit, urdhëro ma thoni”, shtoi.
